RAM меморијата е простор во кој компјутерот ги држи работите што моментално ги користи. Премалку RAM значи дека компјутерот „се дави“ кога ќе отворите повеќе работи одеднаш.
8 GB е минимум за основна работа: интернет, документи, гледање видео. За посериозна употреба веќе е тесно.
16 GB е златна средина за повеќето луѓе денес — игри, повеќе табови во прелистувачот, работа со фотографии. Ова го препорачуваме за најголемиот дел клиенти.
32 GB има смисла ако работите видео монтажа, тешки програми, виртуелни машини или многу барани игри со стриминг.
Важно е и RAM-от да е компатибилен со матичната плоча и да работи на соодветна брзина. Ако не сте сигурни што имате, донесете го компјутерот — ќе провериме и ќе ви кажеме дали вреди да се надгради или не.